«Салты жақсының халқы жақсы» аудандық сырттай байқауының ережесі

«Салты жақсының халқы жақсы»

аудандық сырттай байқауының ережесі

Мақсаты: Ұмыт болып бара жатқан, алайда ізгілік пен тәрбие құндылығы жағынан қазіргі заманда да өзекті болып отырған дәстүр мен әдеп-ғұрыптарды қайта жандандыруға ықпал ету.

Міндеттері:

• ұлттық салт-дәстүрлердің, әдет-ғұрыптардың мән-мазмұнын терең түсініп, оларды құрметтеуге, сүюге тәрбиелеу;
• білім алушылардың адамгершілік қасиеттерін, патриотизмділіктерін, азаматтылық ұстанымдарын, мәдениеттіліктерін тәрбиелеу;
• дарынды балаларды анықтап, оларға қолдау көрсету;
• оқушылардың әлеуметтік белсенділіктерін арттыру.

Байқауды ұйымдастырушылар: Егіндікөл ауданы білім, дене шынықтыру және спорт бөлімінің әдістемелік орталығы

     Өтетін орны мен уақыты:  Байқау 2020 жылғы 23 қазанда Егіндікөл ауылында сырттай режимде өтеді.

Қатысу шарттары: Конкурсқа Егіндікөл ауданының жалпы білім беру ұйымдары оқушыларының 9-16 жас аралығындағы ұжымдық жұмыстары қабылданады.

Әр ұжым байқау ұйымдастырушыларына рухани-адамгершілік тәрбие беруде үлкен маңызға ие, алайда ұмытылып бара жатқан салт-дәстүрлерді, әдеп-ғұрыптарды сахналандырылған қойылым түрінде ұсынуы қажет (бейнеролик ұзақтығы – 5 минуттен аспауы тиіс).

Байқау жұмыстарын бағалау критерийлері:

• таңдалған салт-дәстүрдің рухани-адамгершілік, тәрбиелік мәнінің толық ашылуы;
• актерлік және орындаушылық шеберлігі (актерлердің мәнерлілігі және эмоционалдылығы);
• орындаушылардың сөз мәдениеті;
• сахналық мәдениеті;
• көркемдік безендірілуі (костюмдер, грим, декорациялар, реквизиттер, музыкалық сүйемелдеу);
• дикциясы;
• орындаушылардың жас ерекшелігіне қойылымның сәйкес келуі.

         Қатысушыларды марапаттау

Байқау қатысушылары Ақмола облысы білім басқармасының дипломдарымен және сертификаттарымен марапатталады. Электрондық дипломдар Ақмола облысы білім басқармасының сайтына орналастырылады.

    Байқауға өтінім беру тәртібі:

Директордың қолымен расталған өтінім және бейнежазба ағымдағы жылғы 22 қазан сағат 12: 00-ге дейін электрондық мекенжай бойынша қабылданады guzel.ibraeva.91@mail.ru. Бейнежазбаның сапасы жақсы болуы керек. Анықтама телефондары: 2-20-02, 87055978807. Көрсетілген уақыттан кеш келіп түскен өтінімдер қарастырылмайды.

1 қосымша

«Салты жақсының халқы жақсы»

аудандық сырттай байқауына қатысуға өтінім