Егіндікөл ауданында мектеп жанындағы алаңдар өз жұмысын бастады

Бүгін Егіндікөл ауданында мектеп жанындағы алаңдар өз жұмысын бастады. Алаңдармен қамтылған балалар саны шамамен 400 оқушыны құрайды. Балалар үшін мазмұнды әрі қауіпсіз жазғы демалысты ұйымдастыру мақсатында танымдық, спорттық, шығармашылық және тәрбиелік іс-шаралар өткізілуде. Сонымен қатар ауданның барлық мектептерінде мектеп аумақтарын көгалдандыру және абаттандыру жұмыстары басталды. Оқушылар гүлзарларды күтіп-баптауға, ағаштар мен гүлдер отырғызуға және мектеп аумағын көркейту жұмыстарына белсенді қатысуда. Жазғы жұмыспен қамту балалардың еңбек дағдыларын қалыптастыруға, экологиялық мәдениетін арттыруға және белсенді азаматтық ұстанымын дамытуға ықпал етеді.