Егіндікөл ауданында бастауыш сынып мұғалімдеріне арналған жиын өтті

09.10.2026

9 қазанда бастауыш сынып мұғалімдеріне арналған аралық бағалауды ұйымдастырудың өзекті мәселелеріне арналған жиын өтті.

Жиынның мақсаты – педагогтерді аралық бағалаудың нормативтік негіздерімен және жүйедегі соңғы өзгерістермен таныстыру, 2–4-сыныптарда аралық бағалауды өткізу бойынша әдістемелік ұсынымдарды қарастыру, сондай-ақ білім беру сапасын арттыру мақсатында бағалау критерийлерін тиімді қолдану жолдарын талқылау.

Жиын барысында келесі мәселелер қарастырылды:

• бастауыш білім беру деңгейінде аралық бағалауды ұйымдастырудың нормативтік негіздері;

• 2–4-сыныптарда аралық бағалауды өткізу бойынша әдістемелік ұсынымдар;

• бағалау критерийлерін қолдану және оқушылардың оқу жетістіктерінің нәтижелерін талдау ерекшеліктері.

Жиында мазмұнды баяндамалар жасалды.

🔹 Мицуля Елена Андреевна, бастауыш сынып мұғалімі, педагог-сарапшы, «Аралық бағалау: қандай өзгерістер болды және алда не күтіп тұр?» тақырыбында баяндама жасады.

🔹 Нұрмағамбетова Алма Сайлаубековна «Нәтижеден нақты әрекетке: оқыту сапасын арттыру үшін аралық бағалау деректерін қалай пайдалануға болады?» тақырыбын ұсынды.

🔹 Қоржынкөл ауылы мектебінің өкілі Долгополова Д. В. аралық бағалауды ұйымдастыру бойынша тәжірибесімен бөлісті.

Кездесу барысында педагогтер өзекті мәселелерді талқылап, кәсіби тәжірибе алмасты және көкейлеріндегі сұрақтарға жауап алды.

Жиын педагогтердің кәсіби құзыреттілігін арттыруға, оқушылардың оқу жетістіктерін бағалаудың әдістемелік тәсілдерін жетілдіруге және бастауыш білім беру сапасын арттыру бағытындағы алдағы жұмыстарды айқындауға ықпал етті.

Баяндамашыларға мазмұнды баяндамалары, тәжірибелік ұсыныстары және аудан педагогтерінің кәсіби дамуына қосқан үлестері үшін алғыс білдіреміз!