Ресурстық орталықтағы жаттығулар туралы ЕОМ №1 есебі

14.10-25.10.2019ж  аралығындағы  8-сыныбына -өтілетін   іс-шаралар   жоспары

Егіндікөл ауданы әкімдігінің «№1 Егіндікөл орта мектебі» КММ өткізілген ресурстық орталық жұмысының есебі

Егіндікөл ауданы әкімдігінің «№1 Егіндікөл орта мектебі» КММ 2019-2020 оқу жылынан бастап ресурстық орталық жұмыс жасауда.

«Егіндікөл ауданы білім, дене шынықтыру және спорт бөлімі» ММ 2019 жылғы 11 қазан айындағы №116 бұйрығы негізінде 14-19 қазан аралығында 8 сынып оқушыларына бірінші оқу сессиясы өткізілді.

Мақсаты: Үздіксіз білім беру үшін біздің заманға қажетті нақты арнайы білімдерді меңгерген, ауқымды ақпараттарды қолдана білетін, бәсекеге қабілетті, адамгершілігі мол дені сау түлек дайындау.

Міндеті:

 Ресурстық және магниттік мектептерде оқу –тәрбие жұмыстарын интеграциялау негізінде бірыңғай білім беру кеңістігін құру;

Оқу –тәрбие жұмыстарының бірыңғай кестесін жасау;

Кіріктірілген, бейінделген пәндер мен курстар жүргізу;

Ресурстық  орталықты басқару жүйесін құру;

Балаларды сессия кезінде әкелу, тұратын жерін және тамақтандыруды ұймдастыру жүйесін жасау;

Реттеуші сипаттағы құқықтық құжаттарды дайындау (ережелер, шешімдер, бұйрықтар және т.б)

Оқыту сессиясы баланың біліміндегі айғақ кемшіліктерді жоюға бағытталған.  Сондықтан жұмыс зертханалық-тәжірибелік сабақтар, өздігінен білім алу және талдау сипатында, әлеуметтік және өзін-өзі кәсіби тану бағытындағы негізгі құзіреттіліктерді қалыптастыру бағытында ұйымдастырылды.  Осыған орай құрылған  ресурстық орталықтың 1-ші сессиясы жақсы деңгейде өтті. Сессияға келген мектептер  Алакөл орта мектебі, Көркем негізгі мектебі, Днепропетров орта мектебі, Бауман орта мектебі, Ушаков орта мектебі және Армавир орта мектептерінен келген оқушылылардың орналасуына жеткілікті деңгейде жағдай жасалады, бес  мезгіл тамақтанады, олар үшін спорттық, сауықтыру, көркемдік-эстетикалық және зияткерлік сипаттағы дамытушы сабақтар ұйымдастырылады. Оқушылармен топтық және жеке жұмыстар жүргізілді. Білім беру процесі ресурстық орталыққа кіретін мектептердегі негізгі пәндерден  тірек мектептің оқу зертханалары және шеберханаларында таңдау бойынша курстардан басқа, ортақ оқу жоспарының негізінде іске асты. Сессия барысында, жоғары  және бірінші санатты тәжірибелі ұстаздар дәріс береді. Ресурстық орталықтағы оқу үдерісі бірыңғай барлық мектептердегі күнтізбелік-тақырыптық жоспарлауға сәйкес жүргізіледі, яғни магнитті мектептердің оқушылары оқытылатын пәннің мәніне қарамастан кесте бойынша сабақтарға қатысады.
Өз сабақтарында мұғалімдер АКТ –ны ( интерактивті тақта, интернет және т.б) және химия, физика, биология сабақтарында зертханалық құрал –жабдықтарды қолдана отырып сабақтарын жүргізді. Интерактивті құралды қолдану, арнайы пәндік құралдарды, көрнекіліктерді пайдалану оқушыларға мектеп пәндері жайлы білімдерін кеңейтуге мүмкіндік береді.

Түске дейін негізгі базалық сабақтар, түстен кейін таңдаулы, элективті, факультативті сабақтар жүргізіліп, оқушыларды шығармашылыққа, зияткерлікке, көркемдік-эстетикалыққа, патриоттыққа тәрбиелеу мақсатында әр түрлі қоғамдық іс –шаралар ұйымдастырылды.

Қазақ тілі пәнінен ашық сабақ туралы.

14.10 күні  қазақ тілі  пәнінен  ашық сабақ өтілді. Ашық сабақты  қазақ тілі пәні мұғалімі Алиякбарова  Асима  Сулейменовна  өткізді. Сабақтың  тақырыбы: Ұлттық тәрбие «Өмірлік құндылықтар»

Сабақтың  мақсаты: оқушылар  әлеуметтік-қоғамдық, мәдени-тарихи тақырыптарға  байланысты интервьюдегі   автордың  көзқарасы  мен  экпрессивті  эмоционалды сөздерінің  рөлін  талдауы тиіс.  Интерактивті  тақта арқылы слайд-презентация  пайдаланылды.

Орыс  тілі  пәнінен ашық сабақ туралы.

16.10 күні  орыс тілі пәнінен  Л. Кассиль «Ход  белой  королевы» тақырыбында ашық  сабақ  өтті. Сабақты  орыс  тілі  мұғалімі  Саберлинова  Лейла  Сергазиевна  өткізді. Сабақтың  мақсаты: понимать основную и детальную информацию  сообщения, определять  подтекст,  цель  высказывания  и отношение  говорящегшо  к событиям и героям  и делать  выводы. Формулировать  проблемные вопросы  по тексту,  позволяющие  выдвигать  идеи, интерпретации,  предложения  и отвечать  на разные  типы  вопросов.

Оқушылар сабаққа үлкен жауапкершілікпен қатысып отырды.

Кітапханада «Рухани   жаңғыру»   мақаласы  аясында  кітапханалық сабақ 

Кітапханада «Рухани   жаңғыру»   мақаласы  аясында  туған жер тұнған шежіре атты кітапханалық сабақ ресурстық  орталығында  оқушылармен өтілді.  Егіндікөл  ауданындағы  тарихы мәдени ескерткіштер туралы сөз  қозғалып, оқушылар өздеріне  көптеген деректер алды және  өз ойларын ортаға салып,  бөлісті.Облыстық  тарихы ескерткіштердің тізіміне кірген Бектемір СОПЫ кесенесі туралы бейнеролик  көрсетілді. Оқушылар өздері  білетін  Отан туралы  өлендерін  оқыды.

Математика    пәнінен ашық сабақ туралы.

Математикадан қайталау сабақ болғандықтан ойын түрінде өтілді. Сабақта БиС технологиясының алгоритм картасы қолданылды. Сабақ соңында дидактикалық  материалдарды жинау үлгісі көрсетілді.

Психология бойынша  өтілген іс-шара  туралы.

Сабақтың  тақырыбы: «Жақсы  көңіл-күй  жан  азығы»

Сабақтың мақсаты: Топта  жағымды қарым-қатынас  орната  отырып, оқушылардың  өзін-өзі  тануына,  өзін-өзі тану,    өзінің  және  айналасындағылардың психологиялық  мінездемесін  анықтау  және  талдау  іскерлігін  дамыту. Мектеп психологы Абдраева Шолпан Апрельхановна жоспарлы түрде оқушылармен жұмыс жасады.

«Мен өз өзіме  ғажайыппын» атты ғылыми сарамандық сабақ  өтілді. Сабақты  информатика пәні   мұғалімі және  кітапханашысы  Калиева М.С. өткізді.

Сабақтың   мақсаты: Ғылыми көзқарас қалыптастыру.

 Жаратылыстану пәндер  бағыты  бойынша   оқушылардың  қатысуымен  әр-түрлі  лабораториялық зерттеулер   жұмыстары  жүргізілді. Медициналық  метрология бағытында  оқушылардың  бойында білік пен  дағды  қалыптастыру  мақсатында сарамандық жұмыс жүргізілді:

Бой өлшеу, салмақ өлшеу, ағзадағы қан көлемін  өлшеу,  дене температурасын анықтау, изотониялық ерітінді-физиологиялық  ерітіндіні  дайындау жолдарын үйренді.Құрылғылар арқылы  оқушылар жүрек қағысын анықтауды да  үйренді. Осы сабақта  казіргі  заман  технология АКТ-ны  қолдана  білді.

Сессия соңында оқушылармен қоштасу кеші өткізіліп, кері байланыс алынды.  Кері байланыстан  бақылағанымыздай, магниттік мектептерден келген оқушыларға сессия барысы мен мұғалімдермен тіл табысу жақсы деңгейде болғандарын атап өтті. Сессиядан кейін де магниттік мектеп оқушыларына интернет желісі арқылы тапсырмалар беріліп отырады.

Оқушылардан  14 қазан күні  кіру тесті және 18 қазан күні шығу тесті алынды. алынынды. Кіру тесті  мен  шығу тесттерінің қорытындысы төмендегідей.

 Ресурстық орталыққа келген 8 сынып оқушыларының кіру және шығу тесттерінің қорытындысы