Ақмола облысының кәмелетке толмағандардың істері жөніндегі мамандандырылған ауданаралық сотының бас маман-сот отырысының хатшысы С.С.Ғабдуллинаның «Кәмелетке толмаған адам медиациялық келісімнің жасалуына байланысты қылмыстық іс бойынша жазадан босатылды» мақаласы.

Кәмелетке толмаған бала медиативтік келісім жасасуға байланысты қылмыстық іс бойынша жазадан босатылды.

Кәмелетке толмаған адам Қазақстан Республикасы Қылмыстық Кодексінің 188- бабы  3) тармағының 3-бөлігі /бұдан әрі-ҚК/ көзделген қылмыстық құқық бұзушылық жасады деген айыппен сотқа берілді.

       Айыптауға сәйкес, кәмелетке толмағандар қоймаға кіру арқылы бөтеннің мүлкін жасырын ұрлады. Осылайша, сотталушы қылмыстық ниетті жүзеге асыру үшін дүкенге кіріп, есептегіштен 140 000 теңгені жасырын ұрлап кеткен.

       Заңсыз өндірілген мүлікті жеке қарамағына алғаннан кейін кәмелетке толмаған сотталушы қылмыс орнынан 140 000 теңге сомасына материалдық залал келтіріп, қашып кетті.

      Сот отырысы барысында кәмелетке толмаған сотталушының адвокаты қылмыстық іс бойынша кәмелетке толмаған сотталушыны айыптау бойынша ҚК-нің 188 - бабы 3) – тармағының 3 - бөлігі бойынша, атап айтқанда, жәбірленушімен медиативтік келісім жасасу жолымен татуласуға байланысты қоймаға заңсыз кіріп жасалған бөтен мүлікті жасырын ұрлау бойынша айыптау бойынша іс жүргізуді тоқтату туралы өтінішхат берді.

       Сотталушы кәмелетке толмаған адам ұрлық жасағаны үшін өзінің кінәсін толық мойындады және адвокаттың қылмыстық істі тоқтату туралы өтінішімен келісті.

      Сотта жәбірленуші медиативтік келісімнің жасалғанын растады. Кәмелетке толмағанға қатысты қылмыстық іс бойынша іс жүргізуді тоқтатуға қарсы болған жоқ.

       Кәмелетке толмағанның заңды өкілі-адвокаттың кәмелетке толмағанға қатысты қылмыстық істі тоқтату туралы өтінішімен келісті.

       ҚК-нің 68-бабының 2-бөлігіне сәйкес, қазаға ұшыратумен немесе адамның денсаулығына ауыр зиян келтірумен байланысты емес ауыр қылмысты алғаш рет жасаған кәмелетке толмағандар, егер олар жәбірленушімен, арыз берушімен татуласса, келтiрiлген зиянды қалпына келтірсе, қылмыстық жауаптылықтан босатылуы мүмкін. Қылмыстық жауаптылықтан босату кезінде кәмелетке толмаған адамға тәрбиелік ықпалы бар мәжбүрлеу шаралары қолданылады.

       Сот іс материалдарын зерделеп, тараптардың ұстанымын тыңдап, мәлімделген өтінішхаттың дәлелдерін, өтінішхатты қолдаған жәбірленушінің, прокурордың пікірін тексергеннен кейін оны қанағаттандырды. ҚК-нің 188-бабы 3-тармағының 3) - бөлігі бойынша кәмелетке толмаған сотталушыға қатысты іс бойынша іс жүргізуді ҚК-нің 68-бабының 2-бөлігі негізінде тоқтатты.

      Сот қаулысы бойынша уәкілетті мемлекеттік органға жүктей отырып, тәрбиелік ықпалдың мәжбүрлеу шарасын қадағалауды жүзеге асыру бойынша бақылау тағайындалды.

       Сот актісі негізінде кәмелетке толмағанның заңды өкілінен мемлекет кірісіне 231 /екі жүз отыз бір/ теңге сомасында іс жүргізу шығындары өндірілді.

       ҚК-нің 11-бабының 4-бөлігіне сәйкес ауырлық дәрежесі бойынша жасалған құқыққа қарсы іс-әрекет ауыр қылмысқа жатқызылады.

       Сот процеске қатысушылардың дауды соттан тыс тәртіппен реттеуге бағытталған белсенді жұмысын атап өтеді, бұл мемлекет саясатын қолдайтынын көрсетеді.

       Үкім заңды күшіне енді.

                                      Ақмола облысының кәмелетке толмағандардың

                                      істері жөніндегі мамандандырылған ауданаралық

                                     сотының,  сот отырысының бас маман –хатшысы

                                      С.С. Габдуллина.