"Тіл дарын" атты облыстық шығармашылық байқау

«Тіл дарын»

атты облыстық шығармашылық жобалар байқауының қорытындысы

29-31 қазан аралығында Көкшетау қаласында   2-11 сынып оқушылары арасындағы «Тіл дарын» өзге ұлт өкілдері оқушыларының арасында қазақ тілінен  облыстық шығармашылық жобалар байқауы өтті. Бұл шара «Рухани жаңғыру» бағдарламасын іске асыру аясында өтті.  Байқау ұйымдастырушысы- Ақмола облысы білім басқармасының жанындағы «Өнерпаз дарынды балалармен жұмыс жүргізу жөніндегі облыстық оқу-әдістемелік орталығы». Шараның басты мақсаты өзге ұлт өкілдерінің қазақ тілін үйренуге деген қызығушылығын арттыру. «Тіл дарын» байқауында балалар өздерінің тәжірибелік, зерттеушілік, аналитикалық, тарихи және өнертапқыштық бағыттағы шығармашылық жобаларын ұсынды. Бұл жобалар байқауына ауданымыздан 6 оқушы қатысты. «№1 Егіндікөл орта мектебі» коммуналдық мемлекеттік мекемесінің  7 сынып оқушысы Шаповал Милана (жетекшісі Калиева С.Г.) ІІ дәрежелі дипломмен және 90 мың теңге ақшалай сертификатпен марапатталды. Миланаға алдағы уақытта биіктерден көрініп, жетістіктерге жете беруіне тілектеспіз.